Lagatextar



Buslulagið
Öll börn busla, öll börn busla, öll börn busla,busl,busl,busl.
Öll börn hoppa, öll börn hoppa, öll börn hoppa, hopp,hopp,hopp.
Öll börn brosa, öll börn brosa, öll börn brosa, bros, bros, bros.
Öll börn heilsa, öll börn heilsa, öll börna heilsa, hæ, hæ, hæ.
Öll börn synda, öll börn synda, öll börn synda, í kaf , kaf, kaf.
Öll börn tala, öll börn tala, öll börn tala saman því það er svo gaman.
Öll börn sparka, öll börn sparka, öll börn sparka, spark, spark, spark.
Öll börn vinka, öll börn vinka, öll börn vinka, bless, bless, bless.

Öll börn í sundi
Öll börn í sundi fara hring eftir hring x3,
Öll börn í sundi fara hring eftir hring,
út um alla sundlaug.

Öll börn í sundi fara út og að x3,
Öll börn í sundi fara út og að
út um alla sundlaug.

Öll börn í sundi fara niður og upp x3,
Öll börn í sundi fara niður og upp,
út um alla sundlaug.

Bí bí og blaka
Bí, bí og blaka,
álftirnar kvaka.
Ég læt sem ég sofi,
en samt mun ég vaka.

Litlu andarungarnir
Litlu andarungarnir allir synda vel, allir synda vel.
Höfuð hneigja í djúpið og hreyfa lítil stél,
höfuð hneigja í djúpið og hreyfa lítil stél.
Litlu andarungarnir ætla út á haf, ætla út á haf.
Fyrst í fjarlægð skima og fara svo í kaf,
fyrst í fjarlægð skima og fara svo í kaf.

Ég negli
Ég negli og saga og smíða mér bát
og síðan á sjónum ég sigli með gát.
Og báturinn vaggar og veltist um sæ
ég fjörugum fiskum með færinu næ.

Dvel ég í draumahöll
Dvel ég í draumahöll
og dagana lofa.
Litlar mýs um löndin öll
liggja nú og sofa.
Sígur ró á djúp og dal
dýr til hvílu ganga.
Einnig sofna skolli skal
með skottið undir vanga

Fingurnir
Einn lítill,
tveir litlir,
þrír litlir fingur,
fjórir litlir,
fimm litlir,
sex litlir fingur,
sjö litlir,
átta litlir,
níu litlir fingur,
tíu litlir fingur á höndum.

Upp, upp
Upp, upp, upp á fjall,
upp á fjallsins brún.
Niður, niður, niður, niður,
alveg niður á tún.

Hoppa sagði refurinn
Hoppa sagði refurinn
og dansa sagði gæsin.
Svo hoppum við,
og dönsum við,
svo förum við í kaf

Fiskalagið
Nú skulum við syngja um fiskana tvo.
sem ævi sína enduðu í netunum svo.
Þeir syntu og syntu og syntu um allt,
en mamma þeirra sagði: Vatnið er kalt!
Baba búbú baba bú. Baba búbú baba bú.
Þeir syntu og syntu og syntu út um allt
en mamma þeirra sagði: Vatnið er kalt!

Annar hét Gunnar og hinn hét Geir.
þeir voru pínulitlir, báðir tveir.
Þeir syntu og syntu og syntu um allt,
en mamma þeirra sagði: Vatnið er kalt!
Baba búbú baba bú. Baba búbú baba bú.
Þeir syntu og syntu og syntu út um allt
en mamma þeirra sagði: Vatnið er kalt!

Göngum, göngum…
Göngum, göngum, göngum upp í gilið,
gljúfrabúann til að sjá.
Þar á klettasyllu svarti krummi
sínum börnum liggur hjá.

Um landið bruna bifreiðar
Um landið bruna bifreiðar, bifreiðar, bifreiðar,
með þeim við skulum fá oss far og ferðast hér og þar.
Ba-bú, ba-bú, tr-la-la-la-la-la-la,ba-bú, ba-bú, tra-la-la-la-la!

Um loftin fljúga flugvélar, flugvélar, flugvélar,
með þeim við skulum fá oss far og ferðast hér og þar.
Ba-bú…

Um höfin sigla skúturnar, skúturnar, skúturnar,
með þeim við skulum fá oss far og ferðast hér og þar.
Ba-bú…

Brunabílinn
Babú babú brunabílinn flautar
Hvert er hann að fara
Vatni á elda sprauta
tjuu tjuu tjuu tjuu
Gerir alla blauta

Tröllin og ljónin
Hátt uppi í fjöllunum
þar búa tröllin
tröllamamma, tröllapabbi og
litli tröllirölli
Úúúú sagði tröllamamma
Úúúú sagði tröllapabbi
En hann litli tröllirölli
Sagði bara gúgú

Langt inni í skóginum
Þar búa ljónin
Ljónamamma, ljónapabbi og
litli ljónsiflónsi
Arggg sagði ljónamamma
Arggg sagði ljónapabbi
En hann litli ljónsiflónsi
Sagði bara mjááá

Ekki hafa hátt
Þrisvar sinnum smell
Syngjum ofurblítt ( la la la la la)
Kinka svo kolli
Smellum lágt í góm
Hendurnar upp oh hreyfa til og frá
En ekki hafa hátt (ss shshs hs)
Ekki hafa hátt. ( sh shs hs hs )

Þrisvar sinnum smell
Syngjum ofurblítt
Kinka svo kolli
Smellum lágt í góm
Hendurnar upp oh hreyfa til og frá
En ekki hafa hátt
Ekki hafa hátt.